نثري الشعر

دنثري الشعر وعلي صَوبي
اريد بين شعرج اطشر
مُلك صار عندج بكَلبي
وبسند طابو وتوقيع اخضر
بلوه وابتليت وصرتي حبي
وشلون بلوه مااريده تصغر
ادعي كل يوم من ربي
يوم بعد يوم البلوه تكبر
يل عينج مدينة سحر جان
وعندج الحسن أجمل منظر
صوتج ولا عزف الكمان
وما ألوم ضحكتج لو علينه تنغر
الوجنه فراوله ويمكن رمان
من الله جني لونهن احمر
والجبين وحده قصة الزمان
اصفه من سمه الله الاكبر
والحاجبين سود سيوف محددات
يجرحن لو صاحبهن خنزر
وعلى الخصر اخاف خوفات
لو مال شويه وشويه تكسر
شحلاتهن بذهب ينعدن الخطوات
والجدم على الجدم مسنتر
الله جمع بيج زين الصفات
رقه ونزاكَه ودلع سكر
موبيدي صرت بيج أهيم
واكعد طول الليل وأسهر
اسمع بشوك الساهر وحليم
وبكاس حبج أطير وأسكر
طيفج صار عندي مقيم
وعلى فراك حسج ماأكدر
بحضنج لكيت جنه ونعيم
ولو بعدت نار ألكَه واكثر[/center]

شكرا
M a X i M u S
silver_moon
على مروركم الجميل