السلام عليكم..
هذي دارميات منقولة وانشاء الله تعجبكم...
--------------------------------------------------------------------------------
فكر وشعر واخلاق يبقه العراقي
شهم ويظل للدوم لللخوه راقي
***
سنه ويه شيعه اخوان صفينه الگلوب
ليش الحزن بغداد ليش اسود الثوب
***
خبلني هاذا الوكت لازم اصير ثنين
بالكرخ اسمي عمر بصوب الرصافه حسين
***
صدگني ما ناسيه هوه النسانه
قيمته بالدولار قيمني عانه
***
زين انتي عندج عين وتشوف الاحباب
انا النظر محروم بفرا گ المصاب
***
اصبر صبر ايوب بس لو تصبرين
وشيصبر المفطوم والعمره سنتين
***
اشتعل جده الگال العشگ موده
انا حرگت بغداد كلهه على موده
***
تدري شكثر اهواك يابعد العيون
يمكن بعد شهرين تلگاني مجنون
***
انته الملح والزاد وانته الحلاوه
متفق كلشي وياك بس لا عداوه
***
مياده ما جازيج لو عمري ميه
رخصيني من الگاج اخذ تحيه
***
يكثر دلال هواك جي لن تحبه
لز گه ويصير وياك بس مره سبه
***
لا تنخه هاذا وذاك ويداوي الجروح
انخه الذي مينام بابه الله مفتوح
***
يهلن دموع العين لو ردت احاجيج
مياده رب الكون هوه اليجازيج
***
الدنيا بس وياي شدة عداوه
ولا واحد من الناس لجروحي داوه
***
تدري شكثر اهواك وشكد احبك
من كثر ما اشتاك مرات اسبك
***
عاجل خبر وانطوه بس عالجزيره
الما عايد المحبوب ماعنده غيره
***
ماقصرت وياك لو بينه مريت
احنه النظل خطار وانتم اهل بيت
***
زين انته عمي تنام تحلم بالاحباب
ماغمضت سنتين وانطر على الباب
***
شلي بحياتي اليوم لو صار الفراك
متشابك انا وياك والروح تشتاك
***
اتمنى كون هواي هم مثلي شاعر
نتبادل انا وياه حب ومشاعر
***
حرت وزماني وياك حيرني كلش
انته البنيت البيت وانته تفلش